"Poor Performance Management" (လုပ်ရည်ကိုင်ရည် ကျဆင်းမှုကို စီမံခန့်ခွဲခြင်း)

Share this Post:

"Poor Performance Management" (လုပ်ရည်ကိုင်ရည် ကျဆင်းမှုကို စီမံခန့်ခွဲခြင်း)

သင်ပေးသင်ယူရအခက်ခဲဆုံး ခေါင်းစဉ် တစ်ခုကို ပြောပါဆိုရင် Managing Poor Performance လို့ပြောပါမယ်..။ တကယ်ခက်တဲ့ ဘာသာရပ်ပါ..။ စာတွေ့ တစ်ခုထဲနဲ့ကတော့ ဘယ်လိုမှကို အဆင်မပြေတာပါ.။ လက်တွေ့မှ လက်တွေ့ပါပဲ..။ အဲဒီဘာသာရပ်ကို သင်ဖို့အတွက် မေးခွန်းတွေ အများကြီးမေးရ ပါတယ်..။ လုပ်အားရှင်တစ်ယောက်ဟာ သူ့အလုပ်ကို သူကောင်းကောင်း မလုပ် (နိုင်) တော့ဘူး ဆိုရင် ဘာကြောင့်လဲ ဆိုတဲ့  မေးခွန်းပေါင်း များစွာကို သူ့ရဲ့ လုပ်ဖေါ်ကိုင်ဖက်တွေ.. သူ့ရဲ့ကြီးကြပ်သူတွေ.. သူ့ရဲ့   ခေါင်းဆောင်.. ဌာနမှူးး စတာတွေကို အမျှင်မပြတ်အောင် မေးရပါတယ်..။

မေးခွန်းတွေ မမေးခင် သတိထားရမယ့် အချက်နှစ်ချက် ရှိပါတယ်..။ အဲဒါက ကြိုသိထားဖို့ လိုတဲ့ အချက်ပါ..။ သူအလုပ်မလုပ်(နိုင်) တာဟာ လုပ်ကိုင်နိုင်စွမ်း နည်းလို့လား..(Lack of ability) ဒါမှမဟုတ် သူ့ကို လုပ်နိုင်ကိုင်နိုင်လုပ်ချင် ကိုင်ချင်စိတ် ရှိအောင် လုံလောက်တဲ့ တွန်းအား မရှိလို့လား (Low motivation).. ဆိုတာပါပဲ..။ ဒီအဆင့်ကို သေသေချာချာ ခွဲခြမ်းစိတ်ဖြာပြီး မစိစစ်ခဲ့ရင် နောက်ပိုင်းမှာ ကြုံရမယ့် အမှားတွေက   တော်တော် ကြောက်စရာကောင်း ပါတယ်.။ အဲဒါဟာ လုပ်အားရှင်ရဲ့ အမှားမဟုတ်တော့ပဲ.. ပညာရှင်ရဲ့ အမှားဖြစ်ပါတယ်..။ ပြန်ပြင်ရတာ ခက်တတ်ပါတယ်..။

အကဲဖြတ်သူက မှားယွင်း အကဲဖြတ်မိပြီး လုပ်အားရှင်ပေါ်မှာ မလုပ်လုပ်အောင် ဖိအားတွေ ပေးမယ် ဆိုရင် ဒုက္ခတွေ့တော့မှာပါ..။ တကယ်က သူ့မှာ လိုနေတာက ဖိအား မဟုတ်ဘူး လုပ်နိုင်စွမ်း နည်းနေတာ.. မလုပ်တတ် မကိုင်တတ်ပဲနဲ့ လုပ်နေရတာ   ဖြစ်နိုင်ပါ တယ်..။ အဲဒီလိုအပ်ချက်ကို ဖြည့်မပေးပဲနဲ့ ဖိအားနဲ့ ကိုင်တွယ်လိုက်ရင် အကြီးအကျယ် မှားသွားမှာပါ..။ Lack of ability ဆိုတာ မူလအရည်အချင်း လိုအပ်ချက် မပြည့်မီသေးတဲ့ လုပ်အားရှင်ကို တဆင့်မြင့် ရာထူး တိုးပေးမိရင် ဖြစ်လေ့ရှိတဲ့ ပြသနာပါ..။

သူ့မူလ အလုပ်မှာ သူဟာ အကောင်းဆုံး လုပ်နိုင်တယ်.. ဒါကြောင့်မို့ သူ့ကို မျက်စေ့ကျပြီး ဘာမပြောညာမပြောနဲ့ ရာထူးတိုးပေးလိုက်တယ်..။ အဲဒါဟာ အမှားကြီးပါပဲ..။ သတိကြီးကြီးထားရမယ့် အချက်က သူဟာ သူ့နေရာမှာ (အဲဒီနေရာနဲ့တန်သလောက်) ပဲ အကောင်းဆုံး လုပ်နိုင်ခဲ့တာ ဆိုတာ မမေ့လိုက်ပါနဲ့..။ အဲဒီထက် မြင့်တဲ့ အတွေးအခေါ် အဲဒီထက် မြင့်တဲ့ နည်းပညာ အဲဒီထက် မြင့်တဲ့ ကျွမ်းကျင်မှု လိုတဲ့ နေရာကို မပြောမဆို မြှင့်တင်ပေးလိုက်တာနဲ့ သူဟာ အဲဒီ တဆင့်မြင့် ရာထူးနဲ့ အံဝင်ခွင်ကျ ဖြစ်သွားလိမ့်မယ်..။ အဲဒီရာထူးရဲ့ တာဝန်တွေကို ကိုင်တွယ် ထမ်းရွက်နိုင်လိမ့်မယ် လို့ ထင်တာဟာ အပေါ်က လူတွေရဲ့ အမှားပါပဲ..။

တစ်ဆင့်မြင့်ရာထူး ရောက်သွားတာနဲ့ ယောင်ချာချာ ဖြစ်သွားပြီး လုပ်ရည်ကိုင်ရည် ကျသွားတတ်သလို .. ဘာမှ မလုပ်တော့ပဲ အခြောက်တိုက် ဘဝင်မြင့် သွားတတ်တာမျိုးလဲ ဖြစ်တတ်ပါတယ်..။ အဲဒါကို ပဲ Management ဘာသာရပ်မှာ Poor Performance Management လို့ ခေါ်တာပါပဲ..။ အဲဒီ လိုအရည်အချင်း လျော့လို့ပဲဖြစ်ဖြစ် .. (တနည်းနည်းနဲ့) လုပ်ချင်ကိုင်ချင်စိတ်   လျော့သွား လို့ပဲဖြစ်ဖြစ် စွမ်းဆောင်ရည် ကျပြီဆိုရင် ကုစား ရမယ့် နည်းလမ်း ငါးသွယ်ရှိပါတယ်..။ အဲဒီ နည်းလမ်းငါးသွယ်ကို 5R Method လို့ ခေါ်ပါတယ်..။ Resupply, Retrain, Refit, Reassign, နဲ့ Release တို့ဖြစ်ပါတယ်..။

၁။ ပြန်လည်ဖြည့်တင်းခြင်း (Resupply) ဒီနည်းက သတင်းအချက်အလက်တွေ အများကြီးစုဆောင်းရမှာပါ..။ လုပ်ရည်ကိုင်ရည်   လျော့ပါးသွားတာ တစ်ယောက်ထဲလား .. အုပ်စုလိုက်လား ဆိုတာ အရင်ဆုံး သုံးသပ်ရပါတယ်..။ အဲဒီလို စုဆောင်းရရှိလာတဲ့ သတင်းအချက်အလက်တွေ ပေါ်မူတည်ပြီး သူတို့ အရင်က လုပ်ခဲ့တဲ့ အလုပ်ရဲ့ ရလဒ်နဲ့ နှိုင်းယှဉ်ရ ပါတယ်..။   နှိုင်းယှဉ်ချိန်ထိုးနိုင်ဖို့ ကလည်း အရင် ကပြီးမြောက်ခဲ့တဲ့ စံချိန်တွေကို မှတ်တမ်းတင်ထိန်းသိမ်းထားဖို့ လိုပါတယ်..။

အဲဒီလို နှိုင်းယှဉ် ချိန်ထိုးကြည့်လိုက်ရင် ပညာရှင်အဖို့ ပထမဆုံး ထင်းကနဲ မြင်နိုင်တာက အလုပ်ပမာဏ (Workload) ပါပဲ..။ သူ(တို့) ထမ်းဆောင်နေရတဲ့ အလုပ်ပမာဏဟာ တိုးလာနေပြီး လူအင်အားကတော့ ဒုံရင်းပဲဖြစ်နေတယ် ဆိုရင် အဲဒါဟာ သူတို့မှာ Additional resources ဆိုတဲ့ ထပ်မံဖြည့်တင်း ဖို့ အရန်အင်အား လိုနေပြီ ဆိုတာကို ပြတာပါ..။ ပြုပြင် ဖြည့်တင်းပေးရ တော့မှာပါ..။

၂။ ထပ်မံလေ့ကျင့်ခြင်း (Retrain) သူတို့ကို မေးခြင်းထက် စောင့်ကြည့်ခြင်းက ပိုပြီး အဓိပ္ပါယ် ရှိပါတယ်..။ တကယ်တော့ သူတို့ဟာ ပြောင်းလဲတိုးတက်လာတဲ့ လိုအပ်ချက် နဲ့ အညီ သူတို့ရဲ့ အရည်အချင်းကို သူတို့ကိုယ်တိုင် မဖြည့်နိုင်ကြ သူများ   ဖြစ်ကြပါတယ်..။ အဲဒါကို ဖြည့်နိုင်လိမ့်မယ် .. ဒါမှမဟုတ် အလိုလို ပြည့်လာလိမ့်မယ် လို့ယူဆမိရင် အဲဒီလို ထင်မြင်ယူဆ သူရဲ့ အမှားသာ ဖြစ်ပါတယ်..။ လိုအပ်နေတဲ့ အင်အား ထပ်ဖြည့်ပြီးသည့်တိုင် သူတို့ရဲ့ အရည်အချင်း ကိုမြှင့်တင်ဖို့ ကတော့ သင်ယူလေ့ကျင့်စေခြင်းပဲ ဖြစ်ပါတယ်..။

လူသစ်နဲ့ လူဟောင်း တွဲပေးထားရုံနဲ့ အလိုလိုသင်ယူတတ်မြောက်သွားလိမ့်မယ် လို့ အလုပ်ရှင် တွေက ထင်လေ့ရှိပါတယ်..။ အဲဒါဟာ ဖြစ်တောင့်ဖြစ်ခဲပါ..။ အဲဒီလို ထင်ထားပြီး လွှတ်ထားမိရင် အမှားနဲ့ ဆုံးရှုံးမှုတို့ကို ရင်ဆိုင်ရပါလိမ့်မယ်..။ အလုပ်ရှင်ကိုယ်တိုင်က ပြောင်းလဲလာတဲ့ နည်းပညာတွေအကြောင်း လိုအပ်ချက်တွေ အကြောင်းကို အရင် လေ့လာရပါမယ.်။

ပြီးတော့ အဲဒီ အပြောင်းအလဲတွေ ဖြစ်ပေါ်နေတာကို သိရှိလက်ခံကြောင်း ကိုယ့်ရဲ့ လုပ်အားရှင်တွေကို    ပြောပြရပါမယ်..။ ပြီးတော့ အဲဒီ အပြောင်းအလဲရေစီးကြောင်းထဲမှာ စီးမျော လိုက်ပါနိုင်ဖို့ ထပ်မံလေ့ကျင့်  သင်ယူရမှာ ဖြစ်ကြောင်း   ပြောရပါမယ်..။ ပြီးရင် အလုပ်ရှင်က အကုန်အကျခံပြီး ပညာရှင်ကို ခေါ်ယူပြီး သင်ပေးရပါမယ်..။ သင်ပေးပြီးရင် ပညာရှင် သင်ပေးသွားတဲ့ အတိုင်း တသဝေမတိမ်း ဆောင်ရွက်နိုင်အောင် အပြန်ပြန် အလှန်လှန် လေ့ကျင့်စေရပါမယ်..။ ဒါမှ ဖွံ့ဖြိုး တိုးတက်လာမှာပါ..။

၃။ အံဝင်ခွင်ကျစေခြင်း (Refit) ပထမနည်းလမ်း နှစ်သွယ်ကို သုံးပြီးတဲ့ အခါမှာ တတိယနည်းလမ်း ဖြစ်တဲ့ အံဝင်ခွင်ကျ ဖြစ်အောင် စီမံရပါမယ်..။ ချက်ချင်း အံဝင်ခွင်ကျ ဖြစ်ဦးမှာ မဟုတ်သေးပါဘူး..။ ဆက်ပြီးတော့ အားနည်းနေသေးတယ် အလုပ်မဖြစ်သေးဘူး ဆိုရင် အဲဒီ လုပ်အားရှင် (တွေ) နဲ့ အံဝင်ခွင်ကျ ဖြစ်စေမယ့် အပြောင်းအလဲ တခုခုကို ရှာရတော့မှာပါ..။ မူလအလုပ်ခွင်ထဲမှာပဲ.. အလုပ်လုပ်ပုံ မတူတဲ့ နေရာမှာ တာဝန်ပေးကြည့်ပါ..။

၎။ နေရာသစ်သို့ ပို့ဆောင်ခြင်း (Reassign) ဒါက အဲဒီ အံဝင်ခွင်ကျ မဖြစ်တဲ့ လုပ်အားရှင် ဟာ ကျန်တဲ့ အဖွဲ့သားတွေနဲ့ ကဏ္ဍကောစ ဖြစ်လာတဲ့ အခါ လုပ်ရမှာပါ..။ သူ့ကို (သူတို့ကို) သူတို့ရဲ့ လုပ်ရည်ကိုင်ရည်နဲ့ ကိုက်ညီစေမယ့် တခြား နည်းလမ်းသစ် အလုပ်သစ် ခြေလှမ်းသစ် ဆီကို ပြောင်းလဲပြီး နေရာချထားလိုက်ပါ..။ (တခါတလေမှာ မူလ လုပ်ပုံကိုင်ပုံ အဟောင်းဆီကို ပြန်ပို့တာမျိုးလဲ လုပ်ရပါတယ်..။)

၅။ ဖြေလွှတ်ခြင်း (Release) ဒါကတော့ နောက်ဆုံးနည်းပါ..။ ဘယ်လိုမှ တွန်းပို့ ဆွဲခေါ်လို့ လဲ မရတော့ဘူး..။ ဘယ်အရာကမှ သူ (တို့) ကို မဆွဲဆောင်နိုင်တော့ဘူး ဆိုရင်တော့ ရိုးရိုးသားသားပဲ မေးလိုက်ပါတော့..။ ဒီအလုပ်ကို ဆက်လုပ်နိုင် မလုပ်နိုင်.. ဒီအလုပ်မှာ ဆက်ပြီး ရှိနေသင့် မနေသင့် ဆိုတာ တေ့တေ့ဆိုင်ဆိုင် ဆွေးနွေးရတော့မှာပါ..။ သူ (တို့) ကို ဒီအလုပ်နဲ့ မသင့်တော်တော့ဘူး ဆိုတာကို ကိုယ်က စပြီးပြောမယ့်အစား သူ (တို့) ဆက်လုပ်ရမှာ အဆင်ပြေမပြေ မေးတာ ပိုကောင်းပါတယ်..။

သူ (တို့) ဖာသာ ရွေးချယ်ပါစေ..။ ကိုယ်က သူတို့ ထွက်ခွာရာလမ်းကို မပြမိပါစေနဲ့..။ သူ (တို့)ဖါသာ သူ(တို့) ဆုံးဖြတ်လိုက်ပြီးပြီ ဆိုရင်တော့ ကိုယ့်ဖက်က ဖြေလွှတ်ပေးလိုက်ဖို့ ဝန်မလေးပါနဲ့ .. အသင့်ဖြစ်ပါစေ..။ အခြေအနေတိုင်း အတွက် Signal တွေ Indicator တွေ ရှိပါတယ်..။ အဲဒီ အချက်ပြချက်တွေကို ကြိုတင် သိထားဖို့ လိုပါတယ်..။ အဲဒါဟာ လုပ်ငန်းရှင် တွေ အတွက် အလွန် အသုံးဝင်ပါတယ်..။ ချစ်ခင်စွာဖြင့် - Source: ဆရာကောင်းလွန်း Posted By MYP ဆရာကောင်းလွန်း၏ ရေးသားဖော်ပြမှုအား EntrepreneurSME.com အယ်ဒီတာအဖွဲ့မှ ပြန်လည်ဖော်ပြပေးလျှက်။

-------------------------------------------------------------------------------------------------------------

မြန်မာ့ခေတ်ပြိုင်စီးပွားရေးအတွက် အသိပညာဦးဆောင်မူဖြင့် ရေရှည်တိုးတက်မူဆီသို့

မြန်မာ့စွန့်ဦးထီထွင်မူနှင့် စီးပွားရေစီမံခန့်ခွဲမူ အခမဲ့ ၀က်ဆိုဒ်

www.entrepreneursme.com (www.esmemm.com)

မြန်မာ့စွန့်ဦးတီထွင်မူနှင့် စီးပွားရေးစီမံခန့်ခွဲမူ သင်တန်းကျောင်း

Myanmar Entrepreneur SME Institute (MESI)

မြန်မာနိုင်ငံအနှံ့တွင် သင်တန်းကျောင်း (၅)ခု ၊ မြို့ပေါင်း(၁၈) နှင့်၊ လုပ်ငန်းပေါင်(၅၀၀)ကျော် စီမံခန့်ခွဲမူ ရုံးဝန်ထမ်း (၄၀၀၀)ကျော် အား ၀န်ဆောင်မူပေးထားပြီးဖြစ်သောကြောင့် လူကြီးမင်းတို့ လိုအပ်တဲ့ စီးပွာရေဆိုင်ရာ (သင်တန်း+အကြံပေး+၀န်ဆောင်မူ) များအား www.esmemm.com (MESI)တွင် ၀န်ဆောင်မူရရှိနိုင်ပါပြီ။

 



ESME Logo