အလုပ်အကျွေးပြုခေါင်းဆောင်မှု| Servant Leadership…….

အလုပ်အကျွေးပြုခေါင်းဆောင်မှု| Servant Leadership…….
Share this Post:

 အလုပ်အကျွေးပြုခေါင်းဆောင်မှုဆိုတဲ့ အတွေးအခေါ်တစ်ရပ်ကို ၁၉၇၀ ခုနှစ်လောက်က Robert Greenleaf ဆိုတဲ့ပညာရှင်က အဆိုပြုခဲ့တယ်။

Greenleaf ကတော့ Service to followers is the primary responsibility of leaders. လို့ပြော

ထားပါတယ်။ ဆိုလိုတာက မိမိရဲ့ဦးစီးမှုနောက်မှာ ပါဝင်ဆောင်ရွက်ကြတဲ့ နောက်လိုက်

ငယ်သားတွေအပေါ်မှာ အလုပ်အကျွေးပြုတာဟာ ခေါင်းဆောင်တွေအတွက် အဓိက ကျတဲ့တာဝန်တစ်ရပ်လို့ဆိုထားတာပါ။ ဒီနေရာမှာ Service ဆိုတဲ့ အင်္ဂလိပ်စကားလုံး

ကို ၀န်ဆောင်မှုဆိုပြီး မြန်မာမှုပြုတာလေးလွဲနေကြောင်း စာရေးသူတို့ လေးစားရတဲ့

ဆရာကြီးပါမောက္ခဒေါက်တာအောင်ထွန်းသက်ကပြောတာလေး သတိရမိသွားပါတယ်။

ဆရာကြီးက Service ဆိုတာဟာ ၀န်ဆောင်မှုမဟုတ်ဘူး အလုပ်အကျွေးပြုတာလို့

ပြောပါတယ်။ စာရေးသူတို့ အတော်နှစ်သက်မှတ်သားခဲ့ရတဲ့ စကားလုံးလေးပါပဲ။ ဒါကြောင့်လဲခေါင်းစဉ်ကို အလုပ်အကျွေးပြုခေါင်းဆောင်မှုဆိုပြီးပေးလိုက်တာပါ။

 

   အလုပ်အကျွေးပြုတယ်ဆိုတဲ့စကားလုံးဟာ စာရေးသူတို့ မြန်မာလူမျိုးတွေ ယူဆခဲ့တဲ့ မိဘ၊ ဆရာ၊ လူကြီတွေအပေါ် သား၊သမီး၊တပည့်၊ ငယ်ရွယ်သူတွေကသာ ဆောင်ရွက်ပေးဖို့ လိုအပ်တာပဲမဟုတ်ပါဘူး။ ခေါင်းဆောင်တွေအနေနဲ့လဲ နောက်လိုက်ငယ်သားတွေ လမ်းမှန်ပေါ်ရောက်အောင် ပြုစုပျိုးထောင်ပေးတာ၊ အခက်အခဲတစ်ခုခုနဲ့ ရင်ဆိုင် ကြုံတွေ့လာရတဲ့အခါ သမာသမတ်ကျကျနဲ့ ရှေ့ကနေမားမားမတ်မတ် ရပ်တည်ပေးတာ၊ ပေးသင့်ပေးထိုက်တဲ့ လုပ်ပိုင်ခွင့်နဲ့ ဆုံးဖြတ်ချက်ချပိုင်ခွင့်ပေးတာ စတာတွေပါဝင်ပါတယ်။ အလုပ်အကျွေးပြုတတ်တဲ့ ခေါင်းဆောင် Servant Leader တစ်ယောက်ဟာ နောက်လိုက်ငယ်သားတွေရဲ့ လိုအပ်ချက်တွေနဲ့ ပတ်သက်ပြီး အမြဲအာရုံစိုက်လေ့ရှိတဲ့နည်းတူ၊ အတွေးအခေါ်ဥာဏ်ပညာတွေ ပိုမိုတိုးတက်လာအောင် ကူညီဆောင်ကျဉ်းခြင်းတွေလုပ်ပေးလေ့ရှိသလို၊ လက်အောက်ငယ်သားတွေအနေနဲ့ ထမ်းဆောင်ရမည့် လုပ်ငန်းတာဝန်တွေကို သူတို့ ကိုယ်တိုင်လိုလိုချင်ချင် ဖြစ်လာအောင်ဆောင်ရွက်တတ်ကြပါတယ်။ နောက်လိုက် ငယ်သားတွေအကြောင်းကိုနားလည်မှသာ ခေါင်းဆောင်တွေအနေနဲ့ ဘာတွေကို အကောင်းဆုံးအလုပ်အကျွေးပြုနိုင်မလဲဆိုတာကို နားလည်နိုင်မှာဖြစ်ပါတယ်။ ခေါင်းဆောင်တွေအနေနဲ့ နောက်လိုက်ငယ်သားတွေရဲ့ အသံကိုနားစွင့်နေရမှာ ဖြစ်သလို သူတို့ရဲ့လိုအပ်ချက်တွေ၊ တန်ဖိုးတာမှုတွေကို လေ့လာနေရမှာ ဖြစ်ပါတယ်။

 

  Servant Leader တွေဟာ အကြောင်းကိစ္စတွေနဲ့ပတ်သက်ပြီး ဖြေရှင်းရာမှာလည်း

သမာသမတ်ကျဖို့လိုအပ်ပါတယ်။ လူမှုရေးနဲ့ပတ်သက်တဲ့ မတရားမှုတွေ၊ မမျှတ မှုတွေရှိခဲ့ရင် ကန့်ကွက်မှုတွေ၊ လက်မခံမှုတွေချက်ချင်းလုပ်ဖို့ လိုအပ်ပါတယ်။ အဖွဲ့အစည်းထဲမှာရှိတဲ့ မည့်သူ့ကိုမဆို လေးစားမှုတွေ၊ အသိ အမှတ်ပြုမှုတွေနဲ့ ဆက်ဆံနေဖို့လဲလိုပါတယ်။ Greenleaf ကတော့ ၀န်ထမ်းတွေ အပေါ်မှာ အဓိပ္ပါယ်ရှိတဲ့လုပ်ငန်းတာဝန်တွေပေးခြင်းဟာ လုပ်ငန်းရဲ့ ထုတ်ကုန် အရည်အသွေးနဲ့ ဖေါက်သည်တွေအပေါ်စိတ်ကျေနပ်မှုဖြည့်ဆည်းပေးရေးတို့လို အရေးကြီးကြောင်း ပြောထားပါတယ်။

သူအဆိုပြုထားတဲ့ နောက်ထပ် အဆိုပြုချက် တစ်ခုကတော့ လူမှုရေးတာဝန်သိတတ်မှု Social Responsibility ကို လုပ်ငန်းရဲ့အရေးကြီးတဲ့ ရေရှည်ရည်မှန်းချက်တွေထဲက တစ်ခုအဖြစ်အလေးပေးသင့်တယ်ဆိုတာ ပဲဖြစ်ပါတယ်။

   Servant Leader တွေအနေနဲ့ လက်အောက်ငယ်သား ၀န်ထမ်းတွေအပေါ်မှာ နေရာတကာချယ်လှယ်စိုးမိုးတာတွေလုပ်မယ့်အစား ထိုက်သင့်တဲ့ လုပ်ပိုင်ခွင့် အာဏာတွေ ပေးဖို့လိုအပ်ပါတယ်။ ရိုးသားပွင့်လင်းမှုတွေ၊ ရှေ့နောက်ညီတဲ့ အပြုအမူ

လုပ်ရပ်တွေ၊ တန်ဖိုးထားမှုတွေနဲ့ ၀န်ထမ်းတွေအပေါ်ယုံကြည်မှုတွေ တည်ဆောက် ရပါလိမ့်မယ်။ ဒီလိုသာ Servant Leader တွေရဲ့ဦးစီးမှုနောက်မှာ လုပ်ငန်းတာဝန် တွေကို ထမ်းဆောင်ရတဲ့ လက်အောက်ငယ်သား ၀န်ထမ်းတွေအနေနဲ့လည်း သူတို့ ကိုသူတို့ Servant Leader ဖြစ်လိုစိတ်တွေဖြစ်လာတယ်လို့ ယူဆတတ်ကြပါတယ်။ ဒီလိုဖြစ်ပေါ်လာတဲ့ စိတ်ဓါတ်ရေးရာ မြင့်မားမှုတွေကြောင့် Servant Leader ဖြစ်ဖို့

အခွင့်အရေးပေးလာတဲ့အခါမျိုးမှာ အဆင်သင့်ဖြစ်နေဖို့ ပြင်ဆင်တတ်ကြပါတယ်။ အကျိုးကျေးဇူးအနေနဲ့ ၀န်ထမ်းတွေဟာ စိတ်ရော၊လူပါ တက်တက်ကြွကြွနဲ့ လုပ်ငန်းတာဝန်တွေကို ထမ်းဆောင်ကြတာတွေရရှိနိုင်ပါတယ်။

 

  အလုပ်အကျွေးပြုခေါင်းဆောင်မှု Servant Leadership ရဲ့အနှစ်သာရဟာ လက်အောက်ငယ်သားတွေအပေါ်မှာ အကူအညီပေးခြင်း၊ ယုံကြည်မှုနဲ့ ပူးပေါင်း ဆောင်ရွက်မှုဆိုတဲ့ ဆက်ဆံရေးတွေကိုအဓိကဖန်တီးပေးနေပါတယ်။ မိမိတို့ဟာ Servant Leader တွေဟုတ်၊ မဟုတ်ကို ဖေါ်ပြပါ အချက်(၇) ချက်နဲ့ တိုင်းတာလို့ ရနိုင်ပါတယ်။

Integrity: အကျင့်ဂုဏ်သိက္ခာနဲ့ ပြည့်စုံမှုရှိခြင်း။

ဝန်ထမ်းတွေနဲ့ပြောဆိုဆက်ဆံရာမှာ ချမှတ်ထားတဲ့စံနှုန်းတွေ၊ ဂတိတွေ၊ တာဝန်တွေနဲ့ပတ်သက်ပြီး ရှေ့နောက်ညီညွတ်မှုရှိရှိ ရိုးသားပွင့်လင်းတဲ့ နည်းလမ်းတွေသုံးခြင်း၊ ခေါင်းဆောင်အနေနဲ့ အမှားတခုခုပြုလုပ်ခဲ့ပါကလဲ

မှားကြောင်းဝန်ခံခြင်း၊ လက်ခံခြင်းတွေလုပ်ကြပြီး ၀န်ထမ်းတွေအပေါ်မှာ မလိမ်ညာ မလှည့်စားတတ်ခြင်းမျိုးပဲဖြစ်ပါတယ်။

Altruism: ကိုယ်ကျိုးမငဲ့တတ်ခြင်း။

မိမိရဲ့လက်အောက်ငယ်သား ၀န်ထမ်းတွေအတွက် လိုအပ်လာရင် အကူအညီ ပေးတတ်ခြင်း၊ မိမိရဲ့ လိုအင်ဆန္ဒတွေ၊ လိုအပ်ချက်တွေထက် လက်အောက် ငယ်သားတွေရဲ့ လိုအပ်ချက်တွေကို ဦးစားပေးတတ်ခြင်း၊ စွန့်လွှတ်အနှစ်နာ ခံခြင်း၊ ပရဟိတစိတ်ဖြင့်ဆောင်ရွက်ပေးခြင်း၊ လိုအပ်လာရင် လုပ်ငန်းကိစ္စနဲ့ မပတ်သက်တဲ့ လုပ်ငန်းဆောင်တာတွေကို ၀န်ထမ်းတွေနဲ့ ပတ်သက်လာရင် ဆောင်ရွက်ပေးတတ်ခြင်းမျိုးဖြစ်ပါတယ်။

Humility: လူသားချင်းနားလည် စာနာတတ်မှုရှိခြင်း။

အဖွဲ့အစည်းလုပ်ငန်းအတွင်းမှာ ရှိတဲ့ မည်သူ့ကိုမဆို လေးစားမှုနဲ့ ပြောဆို

ဆက်ဆံကြပြီး၊ ရာထူးအဆင့်အတန်းတွေ၊ အဆောင်အယောင်တွေအပေါ်မှာ အလွန်အကြူးယစ်မူးခြင်းတွေမရှိခြင်း၊ အဖွဲ့အစည်းနဲ့ ပတ်သက်လာလို့ အောင်မြင်မှုတွေရခဲ့ရင်လည်း ပါဝင်ပတ်သက်သူအားလုံးရဲ့ ကျိုးစားအားထုတ်မှု ကြောင့်ဆိုတာ ပြောတတ်ခြင်းမျိုးဖြစ်ပါတယ်။

Empathy and healing: မျှဝေခံစားတတ်ခြင်း။

ဝန်ထမ်းတွေနဲ့ပတ်သက်ပြီး စိတ်ပိုင်းဆိုင်ရာ၊ ရုပ်ပိုင်းဆိုင်ရာ ခံစားချက်တွေ အပေါ်မှာ မျှဝေခံစားပေးတတ်ခြင်း၊ မတူညီတာကို လက်ခံပေးတတ်ခြင်း၊ ပဋိပက္ခတွေရှိခဲ့ရင် ဦးဆောင်ဖြေရှင်းပေးသူအဖြစ်ဆောင်ရွက်ပေးတတ်ခြင်း၊ ခွင့်လွှတ်ပေးတတ်ခြင်းမျိုးဖြစ်ပါတယ်။

Personal Growth: တဦးချင်းရဲ့တိုးတက်မှုကိုလိုလားခြင်း။

လက်အောက်ငယ်သားတွေရဲ့ အကျိုးစီးပွား၊ တိုးတက်ရာတိုးတက်လမ်းတွေ ကိုဆောင်ရွက်ခွင့်ပေးခြင်း၊ မိမိတတ်သိထားသမျှကို ၀န်ထမ်းတွေရဲ့ အကျိုးငှာ ပြန်လည်ဝေငှခြင်း၊ အမှားအယွင်းတွေရှိခဲ့ရင်တောင် နောက်နောင် ဘယ်လိုမဖြစ်အောင် နေရမည်၊ ထိုင်ရမည် စတာတွေကို သင်ပေးခြင်းမျိုး ဖြစ်ပါတယ်။

Fairness and justice: မျှတမှုရှိခြင်း။

 

လက်အောက်ငယ်သားတွေအပေါ်မှာ မျှတတဲ့ ဆက်ဆံမှုမျိုးကိုထားလေ့ရှိပြီး လုပ်ငန်းခွင်အတွင်းမှာ မမျှတတဲ့ အပြုအမူ၊ မူဝါဒ၊ အလေ့ကျင့်တွေနဲ့ကြုံတွေ့

လာပါက ကန့်ကွက်ဆန့်ကျင်တတ်လေ့ရှိခြင်း၊ ၀န်ထမ်းတစ်ဦးရဲ့ လူ့အခွင့်း အရေးဆိုင်ရာ ချိုးဖောက်မှုတွေကိုလည်း လုပ်တတ်တဲ့ သဘောမရှိခြင်း မျိုးဖြစ်ပါတယ်။

 

Empowerment: အတိုင်းအတာတစ်ခုအတွင်းမှာ လုပ်ပိုင်ခွင့်ပေးခြင်း။

္စရေးရာတွေနဲ့ ပတ်သက်လာရင် အထိုက်အလျောက် လုပ်ပိုင်ခွင့်နဲ့ ဆုံးဖြတ်ပိုင်ခွင့်တွေ ပေးထားခြင်းမျိုးခြင်းဖြစ်ပါတယ်။

တကယ်လို့သာ Servant Leader တွေဟာ အခြားမန်နေဂျာတွေ၊ ခေါင်းဆောင်တွေကို

သူတို့လို Servant Leader တွေဖြစ်လာအောင် လွှမ်းမိုးသိမ်းသွင်းနိုင်မယ်ဆိုရင် လုပ်ငန်းအတွက်သင့်တော်မယ့် အရည်အချင်းပြည့်မီပြီး စိတ်ရောကိုယ်ပါ တာဝန် ထမ်းဆောင်ကြတဲ့ ၀န်ထမ်းလောင်းလျာတွေကို ဆွဲဆောင်နိုင်မှာဖြစ်သလို လက်ရှိ ၀န်ထမ်းကောင်းတွေး မိမိတို့လုပ်ငန်းကို စွန့်ခွာမသွားအောင်လည်း ဆွဲဆောင်ထိန်း သိမ်းနိုင်မှာဖြစ်ပါတယ်။

 

  ဒါပေမဲ့လည်း အလုပ်အကျွေးပြုခေါင်းဆောင်မှု Servant Leadership ဟာ အဖွဲ့ အစည်းတိုင်းနဲ့တော့ အံဝင်ခွင်ကျ ဖြစ်နေမှာမဟုတ်ပါဘူး။ အကြောင်းကတော့ Servant Leader တွေဟာ လက်အောက်ငယ်သားတွေရဲ့ အရေးကိုပဲ ပထမဦးစားပေးမှာ ရှိတတ်ကြလို့ပါပဲ။ အဖွဲ့အစည်းအနေနဲ့ ၀န်ထမ်းတွေရဲ့အကျိုးကို ဆောင်ရွက်ဖို့မဖြစ်နိုင်တော့တဲ့ အခါမျိုးမှာ Servant Leader တွေအတွက် ခေါင်းရှုပ်ထွေးမှုတွေ ဖြစ်ပေါ်နိုင်ပါတယ်။ ဥပမာ၊ လုပ်ငန်းစီးပွားရေး ကျဆင်းလာတဲ့အခါမျိုးမှာ ၀န်ထမ်းလျှော့ခြင်း၊ လစာမဟုတ်တဲ့ အခြားခံစားခွင့်တွေကို မပေးတော့ခြင်းမျိုးကြုံတွေရတဲ့အခါမျိုးဖြစ် ပါတယ်။

 

ဒီအချက်တွေကြောင့် Servant Leadership ဟာ ဘာသာရေး၊ ကျန်းမာရေး၊ ပညာရေးနဲ့ အစိုးရအဖွဲ့အစည်း တွေမှာရှိတဲ့ခေါင်းဆောင်တွေအတွက် ပိုသင့်တော်တဲ့ခေါင်းဆောင်မှု တစ်ရပ်ဖြစ်ပေမဲ့ စီးပွားရေးလုပ်ငန်းနယ်ပယ် တွေမှာရှိတဲ့ စီမံခန့်ခွဲသူ မန်နေဂျာတွေ၊ ခေါင်းဆောင်တွေအတွက်လည်း အခြေအနေအချိန်အခါ အပေါ်မူတည်ပြီး အသုံးပြုသင့်တဲ့ ခေါင်းဆောင်မှုပညာတစ်ခုပဲဖြစ်ပါတယ်။

 

ပိုင်စိုး (Management)

Ref; Leadership in Organization by Gary Yuki

-------------------------------------------------------------------------------------------------------------

မြန်မာ့ခေတ်ပြိုင်စီးပွားရေးအတွက် အသိပညာဦးဆောင်မူဖြင့် ရေရှည်တိုးတက်မူဆီသို့

မြန်မာ့စွန့်ဦးထီထွင်မူနှင့် စီးပွားရေစီမံခန့်ခွဲမူ အခမဲ့ ၀က်ဆိုဒ်

www.entrepreneursme.com (www.esmemm.com)

မြန်မာ့စွန့်ဦးတီထွင်မူနှင့် စီးပွားရေးစီမံခန့်ခွဲမူ သင်တန်းကျောင်း

Myanmar Entrepreneur SME Institute (MESI)

မြန်မာနိုင်ငံအနှံ့တွင် သင်တန်းကျောင်း (၅)ခု ၊ မြို့ပေါင်း(၁၈) နှင့်၊ လုပ်ငန်းပေါင်(၅၀၀)ကျော် စီမံခန့်ခွဲမူ ရုံးဝန်ထမ်း (၄၀၀၀)ကျော် အား ၀န်ဆောင်မူပေးထားပြီးဖြစ်သောကြောင့် လူကြီးမင်းတို့ လိုအပ်တဲ့ စီးပွာရေဆိုင်ရာ (သင်တန်း+အကြံပေး+၀န်ဆောင်မူ) များအား www.esmemm.com (MESI)တွင် ၀န်ဆောင်မူရရှိနိုင်ပါပြီ။

  •  


ESME Logo