စွန့်ဦးတီထွင်လုပ်ငန်းများ မဖြစ်အနေသိထားသင့်တဲ့ ဘဏ္ဍာရေးအချက်အလက်များ

စွန့်ဦးတီထွင်လုပ်ငန်းများ မဖြစ်အနေသိထားသင့်တဲ့ ဘဏ္ဍာရေးအချက်အလက်များ
Share this Post:

ကမ္ဘာကျော် Forbes မဂ္ဂဇင်းကပြောတဲ့ ဘာကြောင့် စွန့်ဦးတီထွင်လုပ်ငန်းရှင်တွေအနေနဲ့ ဘဏ္ဍာရေးနှင့် စာရင်းအချက်အလက်တွေ သိရှိဖို့လိုအပ်တာလဲဟု ဖော်ပြခဲ့ပါတယ်။

လူအများစုက  စာရင်းအင်းပညာတွေနဲ့ ဘဏ္ဍာရေးဆိုင်ရာ ပညာရပ်တွေဟာ စီးပွားရေးဆိုင်ရာ ဘာသာရပ်တွေကို သင်ကြားပေးတဲ့ သင်တန်းကျောင်းတွေမှာသာ သင်လေ့ရှိတဲ့ ခက်ခဲနက်နဲတဲ့ ပညာရပ် တွေဖြစ်တယ်လို့ ယုံကြည်ထားကြတယ်။ စွန့်ဦးရှင်တွေအများစုက မိမိမှာ သူများထက်သာလွန်တဲ့ အတွေးအခေါ်ကောင်းတွေရှိတယ်၊ အကြံအစည်တွေပိုင်ဆိုင်ထားတယ်၊ မိမိလုပ်ဆောင်မယ့် လုပ်ငန်းနယ်ပယ် မှာ ကျွမ်းကျင်တယ်၊ ဒီတော့ မိမိနဲ့မဆိုင်တဲ့ ဘဏ္ဍာရေးပညာရပ်တွေကို မိမိအနေနဲ့ သိထားဖို့မလိုအပ်ဘူး။

ဒါတွေက စာရင်းကိုင်တွေလုပ်ရမယ့် အလုပ်၊ မိမိနဲ့ လားလားမှ မသက်ဆိုင်ဆိုပြီး ဘဏ္ဍာရေး အခြေခံတွေကို လျစ်လျူ ရှုထားတတ်ကြတယ်။ တစ်ချို့ကလည်း ငယ်ငယ်ကတည်းက မိမိ ရတဲ့ မုန်ဖိုးနဲ့ မိမိဘာသာ လောက်ငအောင်သုံးစွဲနိုင်တယ်၊ မလောက်ရင်ဘယ်လိုရှာကြံရမလဲ၊ ဘာတွေချွေတာရမလဲ သိတယ်။ လူဆိုတာ ငယ်ငယ်လေးထဲက ပိုက်ဆံနဲ့ အကျွမ်းတစ်ဝင်ရှိတယ်။ ငွေကြေးစီမံခန့်ခွဲမှုကို ပိုင်နိုင်တယ်လို့ ထင်ကြတယ်။

 

ဒါပေမယ့် စွန့်ဦးတီထွင်လုပ်ငန်းရှင်ဆိုတာ တစ်ပိုင်တစ်နိုင် လုပ်ငန်းလေးကနေ၊ တစ်ဖြည်းဖြည်းကြီးထွားလာမှာ ဖြစ်တယ်။ တစ်ပိုင်တစ်နိုင်လေးမှာတင် ရပ်နေမှာမဟုတ်ဘူး။ လုပ်ငန်းတွေ ကြီးထွားလာတာနဲ့အမျှ ငွေရေးကြေးရေး ပညာရပ်တွေဖြစ်တဲ့ စာရင်းပညာရပ်၊ ဘဏ္ဍာရေး ပညာရပ်တွေကို အနည်းနှင့်အများဆိုသလို လေ့လာထားသင့်တယ်။

ကမ္ဘာကျော် Forbes မဂ္ဂဇင်းရဲ့ စစ်တမ်းကောက်ချက်တွေအရ စွန့်ဦးတီထွင်လုပ်ငန်းရှင်တွေဟာ အဓိက အကြောင်းအရင်း (၃) ချက်ကြောင့် စာရင်းပညာရပ်တွေကို မိမိလုပ်ငန်းမှာ အသုံးပြုရမယ့် ကိရိယာတစ်ခု အနေနဲ့ သိထားဖို့ လိုတယ်လို့ဆိုတယ်။

 

၁။ Making the Prediction (အနာဂတ်ကို ခန့်မှန်းတွက်ချက်နိုင်ဖို့)

စစ်မှန်တဲ့ စွန့်ဦးတီထွင်လုပ်ငန်းရှင်တွေဟာ ထုတ်ကုန်တွေကို တည်ဆောက်တာမဟုတ်ဘူး၊ လုပ်ငန်းတစ်ခုကို တည်ဆောက်တာဖြစ်တယ်။ အနာဂတ်မှာဖြစ်တည်လာမယ့် လုပ်ငန်းရဲ့ အနေအထားတစ်ခုကို ခန့်မှန်းနိုင်ရမယ်။ ဘယ်လိုခန့်မှန်းနိုင်ရမလဲဆိုတော့

၁။ အနာဂတ်မှာ ဖြစ်ပေါ်နိုင်မယ့် ၀င်ငွေ

၂။ အနာဂတ်မှာ ကုန်ကျမယ့် အသုံးစရိတ်

၃။ အနာဂတ်မှာ ကြီးထွားလာမယ့် ၀ယ်လိုအားကို ဖြည့်ဆည်းနိုင်ဖို့ လိုအပ်တဲ့ ပုံသေပိုင်ပစ္စည်း (စက်၊ ပစ္စည်း၊ ကိရိယာ) လိုအပ်ချက်

စတဲ့အချက် ၃ချက်ကို ခန့်မှန်းထားနိုင်ရမယ်။

 

၂။ Making the Commitments (လုပ်ငန်းလိုအပ်ချက်ကို အပိုအလိုမရှိ ပြည့်မှီအောင် လုပ်ဆောင်နိုင်ဖို့)

လုပ်ငန်းတစ်ခုကို ပြည့်မှီအောင် လုပ်ဆောင်ရမယ်ဆိုတာ အနာဂတ်မှာ ကြီးထွားလာမယ့် ၀ယ်လိုအားတွေကို ပြည့်မှီအောင် စွမ်းဆောင်နိုင်ရမယ်၊ (စက်၊ ယာဉ်၊ ယန္တရား) တွေမှာ ရင်းနှီးပြီးတော့ လုပ်ငန်းလည်ပတ်မှုစရိတ်ကို လျော့ချနိုင်ရုံနဲ့ မိမိအနေနဲ့ ဒီလုပ်ငန်းအတွက် ပြည့်မှီအောင်လုပ်ဆောင်နိုင်ပြီလို့ ဆိုလို့မရသေးပါဘူး။

လုပ်ငန်းတစ်ခုကို ပြည့်မှီအောင်ဆောင်ရွက်နိုင်ဖို့ (အချိန်၊ ငွေကြေး၊ စွမ်းအင်းနဲ့ နည်းလမ်း) တွေ လိုအပ်ပါတယ်။ စွန့်ဦးတီထွင်သူတွေအနေနဲ့ လုပ်ငန်းတစ်ခုစတင်တော့မယ်ဆိုရင်။

၁။ ပုံသေပိုင်ပစ္စည်းတွေမှာ ရင်းနှီးမြှုပ်နှံရမယ်။

၂။ မိမိလုပ်ငန်းဟာ မဖြစ်မနေကုန်ကျခံရမယ့် ပုံသေကုန်ကျ စရိတ်တွေကို ကျခံနိုင်ရမယ်။

၃။ လုပ်ငန်းတိုးချဲ့နိုင်ဖို့ ချေးငွေတွေရယူနိုင်ရမယ်။

၎။ မိမိလုပ်ငန်းရဲ့ ငွေသားလည်ပတ်မှုကို စီမံခန့်ခွဲနိုင်ရမယ်။

ဒီနေရာမှာ တန်ဖိုးတွက် စာရင်းပညာရပ်ဟာ စွန့်ဦးရှင်တွေအတွက် အထက်ပါ ၄ချက် ကို လွယ်လွယ်ကူကူနဲ့ ဆောင်ရွက်နိုင်ဖို့ ကူညီပေးပါလိမ့်မယ်။ စွန့်ဦးလုပ်ငန်းရှင်တွေအနေနဲ့ တိုးမြှင်လာတဲ့ ရောင်းအားပေါ် ပြောင်းလဲနေတဲ့ ကုန်ကျစရိတ်တွေ၊ ငွေသားစီဆင်းမှုတွေကို စီမံခန့်ခွဲနိုင်ဖို့လိုပါမယ်။

ဒါမှလည်း အချက်အလက်တွေအပေါ် အခြေခံပြီး ချမှတ်မှ ရမယ့် ဆုံးဖြတ်ချက်တွေ ဥပမာ ဘယ်အချိန်မှာ လုပ်ငန်းတိုးချဲ့ရမလဲ၊ လုပ်ငန်းတိုးချဲ့ဖို့ရော  ချေးငွေတွေကို ဘယ်အချိန်ယူသင့်သလဲ၊ ဘယ်အချိန်မှာ စက်ပစ္စည်းအသစ်တွေကို ၀ယ်ယူပြီး ထပ်မံရင်းနှီးရတော့မလား၊ ဒါမှမဟုတ် သူများဆီက ငှားသုံးမလား၊ မိမိမှာ ငွေကြေးခိုင်မာမှု သိပ်မရှိသေးတဲ့ အချိန်မှာ လုပ်ငန်းတွေအလွန်အမင်းတိုးချဲ့မိပြီး မိမိကြိုးစားလုပ်သမျှဟာ အတိုးချေးသူတွေ အတွက်ပဲဖြစ်နေမလား၊ ကိုယ့်အတွက် အမြတ်သိပ်မကျန်တဲ့ မလိုလားအပ်ဘဲ ရင်းနှီးမြှုပ်နှံမှုတွေ အလွန်အမင်းလုပ်နေသလိုများ ဖြစ်နေမလား စတဲ့ အချက်တွေကို ပိုမိုမှန်ကန်စွာချမှတ်လာနိုင်ပါမည်။

 

၃။ Making the Progress. တိုးတက်ပြောင်းလဲမှုတွေကို သိရှိနေပါစေ။

ဒါဟာ အခြေခံအကျဆုံးအချက်ဖြစ်တယ်။ စွန့်ဦးလုပ်ငန်းရှင်တွေအနေနဲ့ မိမိလုပ်ငန်းဟာ တစ်နေ့တစ်ခြားတိုးတက်လာတယ် လို့ထင်ကြတယ်။ ဒီတိုးတက်လာမှုဟာ ငွေကြေးအားဖြင့် တိုင်းတာထားချက်မရှိရင် ဒါဟာ မသေချာတဲ့ ထင်မြင်ချက်တစ်ခုသာဖြစ်တယ်။ ၀င်ငွေ၊ ထွက်ငွေ တွေအပေါ် အခြေခံပြီးဖြစ်ပေါ်လာမယ့် အမြတ်၊ အရှုံးတွေဟာ လုပ်ငန်းတစ်ကယ်အောင်မြင်နေသလား၊ မအောင်မြင် ဘူးလားဆိုတာကို အတိအကျဖော်ပြနေပါတယ်။

ကိန်းဂဏန်းတွေဟာ ဘယ်တော့မှာ မလိမ်တတ်ပါဘူး။ ကိုယ့်ရဲ့ မန်နေဂျာက ဘယ်လောက်ပဲ အပြောတွေကောင်းနေပါစေ လက်တွေ့ဆန်တဲ့ ကိန်းဂဏန်းတွေ မပါသ၍ ဒါတွေဟာ စိတ်ကူးယဉ်သာသာပဲဖြစ်နေတတ်ပါတယ်။ ဒါပေမယ့် ကိန်းဂဏန်းတွေကတော့ စိတ်ကူးယဉ်နေသလား၊ အမှန်တစ်ကယ်လားဆိုတာ ထောက်ပြနေပါတယ်။

လုပ်ငန်းဟာ မိမိမျှော်လင့်ထားသလောက်အောင်မြင်မှုရှိလားမရှိလားဆိုတာကိုလည်း ဒီကိန်းဂဏန်းတွေနဲ့ပဲ တိုင်းတာနိုင်ပါတယ်။ ကိန်းဂဏန်းတွေရဲ့ ပြောင်းလဲမှုတွေကို သေချာစောင့်ကြည့်ပြီး မှန်ကန်တဲ့ ဆုံးဖြတ်ချက် တွေကို အချိန်မှီချမှတ်နိုင်ဖို့လိုပါတယ်။

 

ဒီအထက်ဖော်ပြပါအချက်တွေက လုပ်ငန်းရှင်တွေကို မိမိအနေနဲ့ လုပ်ငန်းကျွမ်းကျင်နေရုံနဲ့ မဖြစ်ဘူး၊ စာရင်းပညာကိုတော့ အခြေခံ လေ့လာထားဖို့လိုတယ်ဆိုတာ Forbes မဂ္ဂဇင်းရဲ့ စစ်တမ်းတွေက ထောက်ပြနေတယ်၊ စွန့်ဦးတီထွင် လုပ်ငန်းရှင်သမားတွေ ကိန်းဂဏန်းတွေပေါ်အခြေခံပြီး မှန်ကန်တဲ့ ဆုံးဖြတ်ချက်တွေ ချမှတ်နိုင်ပြီး လုပ်ငန်းများ တစ်နေ့ထက်တစ်နေ့ကြီးထွားလာပါစေကြောင်း ဆုတောင်းရင်း နိဂုံးချုပ်အပ်ပါတယ်။

စာရေးသူ - မျိုးဟိန်း (Myanmar Enterprise Solution)

………………………………………………………………………

ယခု Website တွင် အားလုံးအတွက် အသုံးဝင်နိုင်မည့် အချက်များအား (အခမဲ့) စုစည်းပေးထားပါတယ်။

 

(1) ပညာရှင်များစွာ၏ ဆောင်းပါးအမျိုးအစား (၂၀၀) ကျော် နှင့်

(2) လုပ်ငန်းရှင်ပေါင်း (၄၀၀) ခန့်၏ ဆက်သွယ်ရန် လိပ်စာကဒ်များ၊

(3) ပညာရှင်များ၏ နာမည်ကြီးသော ဟောပြောမှု ဗီဒီယိုများ၊

(4) Job Opportunity အလုပ်အကိုင်အခွင့်အလမ်းများ၊

(5) ပညာရှင်များ၏ Presentation (အခမဲ့) Download များ

(6) စီးပွားရေးလုပ်ငန်းခွင်အတွက် အမေးအဖြေ Q&A များ

(7) မြန်မာ့စီးပွားရေး အချက်အလက်များကို တနေရာတည်းတွင် စုစည်းတင်ဆက်ပေးထားသော စီးပွားရေးစီမံခန့်ခွဲမှုဝဘ်ဆိုဒ် တစ်ခုဖြစ်လို့ လူကြီးမင်းတို့အတွက် များစွာအကျိုးရှိဖို့ မျှော်လင့်ပါတယ်။

 

အားလုံးအတွက် ပိုမိုအကျိုးရှိစေဖို့ မိတ်ဆွေသူငယ်ချင်းများအား Like & Share >>> ပြန်လည်မျှဝေပေးခြင်းဖြင့် လူမှုအကျိုးပြု ပြန်လည်ကူညီပေးနိုင်ပါတယ်။ Thanks you! ကျေးဇူးတင်ပါတယ် :)

 

စွန့်ဦးတီထွင် စီးပွားရေးစီမံခန့်ခွဲမှု (အခမဲ့) ၀ဘ်ဆိုဒ်

www.EntrepreneurSME.com (eSMEmm.com)

................................................................

မြန်မာ့စွန့်ဦးတီထွင် စီးပွားရေးသင်တန်းကျောင်း

Myanmar Entrepreneur SME Institute (MESI)

 



ESME Logo