သင့်ဖောက်သည်များနှင့်ပူပေါင်းပြီး လုပ်ငန်းကို တည်ဆောက်ပါ။

သင့်ဖောက်သည်များနှင့်ပူပေါင်းပြီး လုပ်ငန်းကို တည်ဆောက်ပါ။
Share this Post:

  •  စွန့်ဦးတီထွင် လုပ်ငန်းရှင်တွေအနေနဲ့ လုပ်ငန်းတစ်ခုစတင်ဖို့ အကောင်အထည်ဖော်တဲ့နေရာမှာ ခေါင်းအကိုက်ရဆုံးက လုပ်ငန်းစတင် လည်ပတ်နိုင်ဖို့လိုအပ်တဲ့ ငွေကြေးတစ်ခုကို ရှာဖွေရတာပါ။ လုပ်ငန်းတစ်ခုစတင်ဖို့ လိုအပ်တဲ့ ငွေကြေးပမာဏ တစ်ခုရဲ့လားရာ (Source of Funding) တွေအနေနဲ့ မတည်ရင်းနှီးငွေ (Equity), ချေးငွေ (Debt Financing), ဘဏ်ချေးငွေ (Bank Borrowing) တို့နဲ့စတင်ကြတယ်။ ဒီနေရာမှာ လုပ်ငန်းရှင်တော်တော်များများ မေ့လျော့နေတဲ့ လမ်းကြောင်းတစ်ခုက သင့်ဖောက်သည်တွေရဲ့ ငွေကြေး (Customer Cash) တွေကိုလည်း သင့်လုပ်ငန်းလည်ပတ်ဖို့ အသုံးချလို့ရတယ်ဆိုတဲ့တစ်ချက်ပါ။

 

  • ခေတ်သစ်စီးပွားရေးလုပ်ငန်းတွေတော်တော်များများက လုပ်ငန်းအတွက်လိုအပ်တဲ့ ငွေကြေးတွေကို မူလလမ်းကြောင်းတွေဖြစ်တဲ့ Equity, Debt, Bank Borrowing စတဲ့ လမ်းကြောင်းတွေကနေမယူတော့ပဲနဲ့ ကိုယ့်ဖောက်သည်တွေဆီကနေယူနိုင်ဖို့ နည်းဗျူဟာတွေ ဖောက်လာကျတာတွေ့ရတယ်။ Accounting Terms နဲ့ပြောရမယ်ဆိုရင် Negative Working Capital ဖြစ်အောင်လုပ်ကြတာဖြစ်တယ်။ ကျွန်တော်တို့ မြန်မာနိုင်ငံမှာ အများဆုံးသုံးကြတဲ့လမ်းစဉ်တွေက လုပ်ငန်းပိုင်ရှင်တွေက Equity ထည့်ဝင်ကြရတယ်။ ရှယ်ယာပိုင်ရှင်တွေက မိမိတို့ပိုင်ဆိုင်တဲ့ မြေ၊ အဆောက်အအုံတွေကို ဘဏ်တွေမှာ၊ မိမိနဲ့ ရင်းနှီးတဲ့ သူငယ်ချင်းအပေါင်းအသင်းတွေဆီမှာ အပေါင်ခံ အတိုးပေးကာ ငွေချေးပြီး လုပ်ငန်းမတည်ငွေထည့်ဝင်ကြတယ်။ သူများနိုင်ငံတွေက အများပိုင်ကုမ္ပဏီတွေလို Share တွေထုတ်ရောင်း၊ Debentures, Bonds တွေထုတ် ရောင်းဖို့ဆိုတာကလည်း လက်တွေ့မှာ မဖြစ်နိုင်သေးဘူး။

 

  • ဒီတော့ ကျွန်တော်တို့ နိုင်ငံက လုပ်ငန်းရှင်တွေအတွက် Source of Funding က တစ်ခြားနိုင်ငံတွေလို များများစားစားမရှိကြဘူး။ လုပ်ငန်းတစ်ခုလည်ပတ်ဖို့ဆိုတာကလည်း ငွေကြေးအတိုင်းအတာတစ်ခု ထိတော့ လိုမှာဆိုတော့ လိုအပ်တဲ့ ငွေကြေးကို ဘယ်လိုရှာဖွေကြမလဲဆိုတာ စွန့်ဦးတီထွင် လုပ်ငန်းရှင်တွေအတွက် ခေါင်းကိုက်စရာတစ်ခုဖြစ်လာတယ်။ စွန့်ဦးတီထွင်တွေအတွက် ၀မရှိဘဲ ၀ိလုပ်နိုင်ဖို့အတွက် လမ်းကြောင်းအသစ်တစ်ခုဖောက်လုပ်ရတော့မှာဖြစ်တယ်။ ဒီလမ်းကြောင်းကတော့ မိမိ ဖောက်သည်တွေဆီကနေ ငွေကြေးတွေနဲ့ မိမိ လုပ်ငန်းကို လည်ပတ်နိုင်အောင်လုပ်ဆောင်ရမှာဖြစ်တယ်။ ဥပမာ ဟိုတစ်လောကခေတ်စားနေတဲ့ ငွေကြေးအမြောက်အမြားနဲ့ မတည်ပြီးမှ လုပ်နိုင်တဲ့ Japan လေလံဆွဲတဲ့ ကားဝယ်ရောင်းလုပ်ငန်းတစ်ခုကို ငွေကြေးအမြောက်အမြားမလိုအပ်ပဲ လည်ပတ်နိုင်အောင် ဘယ်လိုလုပ်လို့ရမလဲ စဉ်းစားကြည့်ရအောင်။ Internet ပေါ်မှာ Virtual Market တစ်ခုတည်ဆောက်မယ်။ ဖောက်သည်တွေကို Catalog တွေ အလွယ်တစ်ကူကြည့်နိုင်အောင်စီစဉ်ထားမယ်။ ဖောက်သည်တွေက ကြိုက်လို့ Japan လေလံဆွဲတော့မယ် ဆိုရင် Supplier ကိုပေးရမယ့် Deposit Amount ကို Customer ဆီက ကြိုတင်တောင်းခံပြီး Supplier ကိုပေးမယ်။ လေလံအောင်သွားရင် ထပ်မံပေးသွင်းရမယ့် ပမာဏကို Customer ဆီက အရစ်ကျတောင်းခံပြီး Supplier ဆီကို ပေးချေခြင်းဖြင့် သင့်လုပ်ငန်းအတွက် ငွေကြေးအမြောက်အမြားမလိုအပ်ပဲ လည်ပတ်နိုင်မှာဖြစ်တယ်။

 

  • သင့်ဖောက်သည်ဆီက ငွေကြေးကို သင့်လုပ်ငန်းအတွက် ရယူသုံးစွဲနိုင်ဖို့ နည်းလမ်းငါးသွယ်ရှိပါတယ်။
  • The Matchmaker Model
  • တစ်ချို့သော ကုမ္ပဏီရဲ့ လုပ်ငန်းလည်ပတ်ပုံတစ်ခုလုံးကို ရောင်းသူနဲ့ ၀ယ်သူနဲ့ ချိတ်ဆက်ပေးတာဖြစ်တယ်။ ဒီဗျူဟာက သင့်လုပ်ငန်းအတွက် လိုအပ်တဲ့ မတည်ရင်းနှီးငွေကို သိသိသာသာလျှော့ချပေးလိုက်တယ်။ သင့်လုပ်ငန်းမှာ ကုန်ပစ္စည်းလက်ကျန် မထားရှိဘူး။ Cost of Goods Sold ကို အဆုံးစွန်ဆုံးထိ လျှော့ချနိုင်တယ်။ ဥပမာ Consignment Stores တွေ၊ အိမ်ခြံမြေရောင်းဝယ်တဲ့ အကျိုးဆောင်လုပ်ငန်းမျိုးတွေ ဖြစ်တယ်။
  • Matchmaker Model က အခုနောက်ပိုင်းမှာ အတော်လေးခေတ်စားလာတဲ့ နည်းဗျူဟာတစ်ခုဖြစ်တယ်။

 

  • The Deposit Model
  • အလုပ်တစ်ခုအပ်မယ်ဆိုရင် Deposit Amount အရင်ပေးရတယ်။ ပြီးမှ အလုပ်စလုပ်တယ်။ ဒါဟာလည်း Customer ရဲ့ငွေတစ်ချို့ တစ်ဝက်ကို ကိုယ့်အိတ်ထဲအရင်ရောက်အောင်လုပ်လိုက်ခြင်းဖြစ်တယ်။ ဒီငွေတစ်ချို့တစ်ဝက်နဲ့ လုပ်ငန်းတွေကို အစပျိုးနိုင်တယ်။ နောက်ပိုင်းမှာ ကုမ္ပဏီတော်တော်များများက လုပ်ငန်းအပ်နှံစဉ်ထဲက စရံငွေကြိုတောင်းထားလိုက်တယ်။ ဒါကြောင့် သင့်လုပ်ငန်းအစီအစဉ်တွေမှာလည်း ဒီနည်းဗျူဟာကို ထည့်သွင်းစဉ်းစားထားသင့်တယ်။
  • The Subscription Model
  • ဒီ Model ကတော့ တွင်တွင်ကျယ်ကျယ်သုံးနေတဲ့ Model တစ်ခုပါ။ မဂ္ဂဇင်းတွေ၊ ဂျာနယ်တွေကို လပေးကြိုတင်ဖတ်ရှုနေပုံမျိုးပါ။ Gym Club တွေကလည်း လာကစားတဲ့ ဖောက်သည်တွေဆီကနေ အသင်းဝင်ကြေးကို တစ်လစာ၊ တစ်နှစ်စာ စသဖြင့် အရင်ကောက်ခံတယ်။ အဲ့ဒီ့က ရတဲ့ငွေတွေနဲ့ လုပ်ငန်းတွေကို တိုးချဲ့ကြတယ်။ စွန့်ဦးတီထွင်လုပ်ငန်းရှင်တွေအနေနဲ့လည်း မိမိလုပ်ငန်းမှာ ဒီနည်းလမ်းမျိုးကို ဆောင်ရွက်နိုင်အောင် ဖန်တီးထားသင့်တယ်။ ဒီနည်းလမ်းက ကိုယ့်လုပ်ငန်းအတွက် လိုအပ်တဲ့ Capital အရင်းအနှီးကို အထောက်အကူဖြစ်စေ တဲ့အပြင် မိမိရဲ့ Sale Volume ကိုလည်းအနီးစပ်ဆုံးကြိုတင်ခန့်မှန်းနိုင်ခြင်း၊ မိမိ Demand ထက် အမြောက်အများပိုထုတ်လုပ်နေစရာမလိုခြင်း၊ စသဖြင့် အကျိုးကျေးဇူးတော်တော်များများပေးစွမ်းနိုင်တဲ့ နည်းလမ်းဖြစ်တယ်။
  • The Standardize – and – Resell Model
  • IT နည်းပညာကုမ္ပဏီတွေတော်တော်များများက ဒီနည်းလမ်းကိုအသုံးချကြတယ်။ အထူးသဖြင့် Software ကုမ္ပဏီတွေပေါ့။ Microsoft က Microsoft Office ကို လူတိုင်းနဲ့ သင့်တော်အောင် တစ်ကြိမ်ပဲဖန်တီးလိုက်ရတယ်။ ဒီ Product တစ်ခုကိုပဲ လူအများကိုထပ်ခါထပ်ခါ ရောင်းချတယ်။ ဒါဟာ သူ့ရဲ့ ထုတ်လုပ်မှုစရိတ်ကို ခွဲဝေမျှခံလိုက်ခြင်းဖြစ်တယ်။ ဒါကြောင့် လုပ်ငန်းအသစ်အစပျိုးတော့မယ့် လုပ်ငန်းရှင်သစ်တွေအနေနဲ့ မိမိ Product ကို လူအများစုနဲ့ သင့်တော်အောင် Standard တစ်ခုဖန်တီးပြီး လူအများစု ၀ယ်ယူသုံးစွဲနိုင်တဲ့ Product တစ်မျိုးတော့ ထုတ်ထားသင့်တယ်။
  • The Scarcity Model
  • တစ်ချို့ကုမ္ပဏီတွေက သူတို့ရဲ့ Product ကို ဖောက်သည်တွေအနေနဲ့ အလုအယက်ဝယ်ချင်လာအောင် လှုံ့ဆော်တဲ့အနေနဲ့ သူတို့ရဲ့ထုတ်ကုန်တွေကို အနည်းအကျဉ်းပဲထုတ်လုပ်တယ်။ ကုန်ပစ္စည်းအမှာစာတွေ၊ ကြိုတင်ငွေတွေလက်ခံပြီး ဖောက်သည်တွေရဲ့ ၀ယ်ချင်စိတ်ကို စေ့စော်ပေးတယ်။ ဖောက်သည်တွေအနေနဲ့ ဒီ Product ကိုမှ တစ်ခြားသူတွေထက် ဦးအောင် မကိုင်လိုက်ရရင် မနေနိုင်အောင်ဖြစ်နေဖို့ကလည်း မိမိ Product က ဆွဲဆောင်နိုင်ဖို့လိုပါတယ်။
  • အထက်ဖော်ပြပါနည်းလမ်းတွေနဲ့ ကိုယ့်ဖောက်သည်ရဲ့ ငွေတွေကို ကိုယ့်လုပ်ငန်းထဲ အလျှင်အမြန်ဝင်ရောက်နိုင်ဖို့၊ မတည်ရင်းနှီးငွေ အနည်းငယ်ထည့်ဝင်ပြီး မိမိဖောက်သည်ဆီက ငွေတွေနဲ့ မိမိလုပ်ငန်းကို တိုးချဲ့သွားနိုင်ဖို့ ဆိုတာကတော့ စွန့်ဦးတီထွင်လုပ်ငန်းရှင်တွေရဲ့ အရည်အချင်းပါပဲ။ အထက်ပါနည်းလမ်းတွေက စွန့်ဦးတီထွင်လုပ်ငန်းရှင်တွေ လုပ်ငန်းစတင်လည်ပတ်နိုင်ဖို့လိုအပ်တဲ့ ငွေကြေးတစ်ခုကို အတိုးနှုန်းမပါ၊ အပေါင်မလိုပဲ ပြင်ပကနေရနိုင်တဲ့ တစ်ခုတည်းသော အရင်းအမြစ်ဖြစ်ပါတယ်။

သီလထည်ဝါ

12/PaZaTa(N)029735

………………………………………………………………………

ယခု Website တွင် အားလုံးအတွက် အသုံးဝင်နိုင်မည့် အချက်များအား (အခမဲ့) စုစည်းပေးထားပါတယ်။

 

(1) ပညာရှင်များစွာ၏ ဆောင်းပါးအမျိုးအစား (၂၀၀) ကျော် နှင့်

(2) လုပ်ငန်းရှင်ပေါင်း (၄၀၀) ခန့်၏ ဆက်သွယ်ရန် လိပ်စာကဒ်များ၊

(3) ပညာရှင်များ၏ နာမည်ကြီးသော ဟောပြောမှု ဗီဒီယိုများ၊

(4) Job Opportunity အလုပ်အကိုင်အခွင့်အလမ်းများ၊

(5) ပညာရှင်များ၏ Presentation (အခမဲ့) Download များ

(6) စီးပွားရေးလုပ်ငန်းခွင်အတွက် အမေးအဖြေ Q&A များ

(7) မြန်မာ့စီးပွားရေး အချက်အလက်များကို တနေရာတည်းတွင် စုစည်းတင်ဆက်ပေးထားသော စီးပွားရေးစီမံခန့်ခွဲမှုဝဘ်ဆိုဒ် တစ်ခုဖြစ်လို့ လူကြီးမင်းတို့အတွက် များစွာအကျိုးရှိဖို့ မျှော်လင့်ပါတယ်။

 

အားလုံးအတွက် ပိုမိုအကျိုးရှိစေဖို့ မိတ်ဆွေသူငယ်ချင်းများအား Like & Share >>> ပြန်လည်မျှဝေပေးခြင်းဖြင့် လူမှုအကျိုးပြု ပြန်လည်ကူညီပေးနိုင်ပါတယ်။ Thanks you! ကျေးဇူးတင်ပါတယ် :)

 

စွန့်ဦးတီထွင် စီးပွားရေးစီမံခန့်ခွဲမှု (အခမဲ့) ၀ဘ်ဆိုဒ်

www.EntrepreneurSME.com (eSMEmm.com)

................................................................

မြန်မာ့စွန့်ဦးတီထွင် စီးပွားရေးသင်တန်းကျောင်း

Myanmar Entrepreneur SME Institute (MESI)

 



ESME Logo